O turismo espacial é considerado por algúns autores unha nova etapa na carreira do ser humano cara o espazo. Posiblemente este fenómeno non comezou antes pola importancia do pulso espacial entre EEUU e a URSS, con dotacións económicas elevadísimas.Pero coa descomposición da Unión Soviética e a crise económica posterior, a Axencia Espacial Rusa aceptou que o millonario Denis Tito pagara por ocupar unha praza libre nunha das súas cápsulas espaciais. Nese momento a NASA era contraria a satisfacer o que calificou como "caprichos de millonarios excéntricos". Na actualidade a realidade orzamentaria, ilustrada polos últimos recortes e a cancelación do proxecto de volta á Lúa por parte de Obama, fan que o turismo se convirta nunha vía necesaria de financiación para as axencias espaciais.
Así, nos últimos tempos gañan peso paulatinamente as iniciativas privadas para a explotación do turismo espacial. Recentemente puidemos ver como a nave SpaceShipTwo, para a que xa 300 persoas reservaron praza cunha recadación duns 45 millóns de dólares, elevábase a uns 13 quilómetros de altura no seu bautismo e espérase que alcance os 110 quilómetros, superando a liña de Karman, límite entre a atmósfera e o espazo exterior.
Outro ambicioso proxecto parte da idea dunha empresa española con sede en Barcelona, Zero2Infinity, que plantexa a posibilidade de ascender, de xeito máis tranquilo e duradero que nos seus competidores, a uns 36 km de altura no globo estratosférico Bloon.
No hay comentarios:
Publicar un comentario